دخيل بختك كافي الغياب

تعال دخيل بختك كافي الغياب
وافتح باب كلبي العفته مطبوك
هزني الشوك ليك اوكلبي محتار
وتدري انت اشكثر مايرحم الشوك
من الشوك صاير كلبي نصين
......ومثل فركة اسنونك كلبي مفروك
من صورتك باكت عيني نظرات
تعال ولا تعلم عيوني علبوك
يبو خدود الظواهن يعمي العيون
اويلي بحسرة شفافك ماتت حلوك
خل مابين اشافك حلكي يحتار
يبوس الجوه خايف تزعل الفوك
تلوك الشامه علخد لمن تصير
بس علشامه خدك ياحلو ايلوك
بالك عليضوك اتبيع بوسات
لأن علضوك تخلص شفتك ضوك
وتظل تمشي وراك الوادم سروب
مثل حادي الظعن من يحدي بلنوك
ولأن بلسوك رايد تمشي وياي
لذلك منعو التجوال بلسوك
ثمر صدرك مبين شافته الناس
خيط زيج صدرك غطي العثوك
وحط حلكك ابحلكي وانفخ ارجوك
واذا سألوك كلهم شفته مخنوك
حتى اشرب انفاسك وأسكر سنين
وأخمد نار كلبي العفته محروك

قصيدة روعة عاشت ايدك يا مبدع
تحياتي