ايكولون باجر شمس!راوئع الشاعر حسين الساعدي

من طرف عقيل العلوان الأحد يوليو 31, 2011 10:55 am

[size=21][size=25]ايكَولون!!!!

ايكَولون باجر شمس تطلع على الديره
ويمر قطار العرس ياخذ نواطيره
ونتعلم البسمات
ونودع الدمعات
ويروح ضيم الأمس هوَ وتصاويره
ايكَولون باجر شمس تطلع على الديره

-----

وين الله ننسه القهر ياواحة الامال
من بعد ذاك الصبر تتعدل الاحوال!
ياليل جيب الصدى من يصدح الموال
وَصلَه ومضة أمل للعايش ابحيره
ايكَولون باجر شمس تطلع على الديره

-----

ماله مضيف الكرم شو دمعته ابعينه
ابلا كَهوة بس الدمع تارس فناجينه!
يازمن وك يازمن للماضي رد بينه
الريحة اَهلنه وطن طار ابجنح طيره
ايكَولون باجر شمس تطلع على الديره

-----

واقع وَكِتنه وَكِح عالمنه مو عالم
المظلوم من انذبح صَفكَوا للظالم
والفوز للما نجح! والدمعة للفاهم!
والضحكة طلعت جذب وانغشت الليره
ايكَولون باجر شمس تطلع على الديره

-----

ايكَولون باجر شمس تطلع على الديره
ويمر قطار العرس ياخذ نواطيره

بقلم ايكولون باجر شمس!راوئع الشاعر حسين الساعدي Rafi3

حسين الساعدي[/size]

[/size]