اتمنه ياموطني ...

من طرف **abn alrafdin** الأحد أبريل 27, 2008 8:20 pm

اتمنه ياموطني ...

ترجع مثل ما جنت

حنه اوصواني او شمع ..

واعيون من تنفتح .

تعصر فرحهه ندى

او تشرب سحاب الدمع ..

واتمنه...

اشوف الصبح ...

بيه تنرسم صورتك ..

ورده اعله شفة نبع ...

يا خذ عطرهه الهوه ...

وايدك شذاهه دوه ..

يم كل كلب منفجع ..

اتمنه ...

اشوف الجبل متحزم امن السعف

والاعضميه تجي .

.باول اذان الفجر

للكاظميه ابشغف..

واتكلهه ..

اندهي الولد .بغدادهم فرعت واتريد شيلة شرف ..

ماتحمل ام الخدر تكضي عمرهه سبي

وابليلهه تختنك

واتصابح الاجنبي ..

ترف اوجذب تحتمل تسحك عليهه السرف ..

اتمنه ..

اطب مندلي ..

واكعد ابديرة هلي ...

واطبعلي بوسة عشك ..

وحده اعله وجنة عمر ..

او وحده اعله وجنة علي ..

والكه ..

الرمادي حضن ..

مامرة طور الحزن ..

وابرقته ينفتح وايلوح اعله النجف ..

اتمنه..

امشي ابوطن ..

مابيه اثر للجرح ..

اولابيه صوره ال امس

وابكل ..

محله اطب والكه الفرح مزدحم

مابين حنه اوعرس ..

وابغيمة العاطفه

الكه المحنه مطر ..

وانجوم زركه اوكمر ..

واطيور فوك الشجر ..

ماتنحكم بالحبس ..

واتمنه ...

اطب البلد ..

اوما اشوف اي مشكله ..

او بالرطبه ازورن علي

وابنينوى كربله ..

والشطرة..

من تختنك

تشتم عبير الدبس

الله ياموطني ..

ميزات الك هاكثر

عد الدول تندرس ..

مايك دوه الكل جرح ..

شمسك ضوة الكل شمس ..

كاعك نضيرة عدن..

سحرك دوه الكل نفس

طينك ذهب من ذهب

او ما يسوة غيرك فلس

مايسوة غيرك فلس

من طرف بغدادية وافتخر الأحد أبريل 27, 2008 8:48 pm

كلمات حلووووووووة
عاشت ايدك

من طرف **abn alrafdin** الأحد أبريل 27, 2008 8:58 pm

بغدادية وافتخر كتب:كلمات حلووووووووة
عاشت ايدك

انتي العايشة اختي
شكراً جزيلاً على المرور

من طرف قمر ديالى الإثنين سبتمبر 12, 2011 1:51 am

كلمات حلوة عاشت الايادي

اتمنه ياموطني ...

اتمنه ياموطني ...

رد: اتمنه ياموطني ...

رد: اتمنه ياموطني ...

رد: اتمنه ياموطني ...